भारत निवडणूक आयोगाने ‘सुविधा 2.0’ हे मोबाईल अँप केले जारी

मुंबई |
भारत निवडणूक आयोगाने ‘सुविधा २.०’ हे
मोबाईल अँप अद्ययावत केले आहे. या अँपद्वारे उमेदवार आणि पक्षांना आता कोणत्याही ठिकाणाहून सहजपणे निवडणूक मोहिमेच्या परवानग्या ऑनलाइन सुविधेद्वारे मिळणार आहेत. पूर्वी फक्त ऑनलाइन पोर्टलवरच अर्ज सादर करता येत होते, पण आता या अँपद्वारे सर्व प्रक्रिया मोबाईलवरून करता येणार असून, काम सहज होणार आहे.असे मुख्य निवडणूक अधिकारी कार्यालयाने कळविले आहे.

सुविधा २.० हे मोबाईल ॲपवापरण्यास सहज आणि अधिक सुरक्षित आहे. या अँपच्या खास वैशिष्ट्यांमध्ये उमेदवारांना अर्ज डाऊनलोड करणे, प्रचारासंदर्भातील परवानग्या मागविणे, अर्ज केलेल्या परवानगीसंदर्भात सद्यःस्थिती जाणून घेणे व मंजुरीची प्रत डाऊनलोड करणे आदी माहिती समाविष्ट आहेत.
या अँपमध्ये नामनिर्देशन प्रक्रिया, निवडणूक वेळापत्रक तसेच निवडणूक आयोगाच्या ताज्या अद्ययावत सूचना आणि आदेश देखील उपलब्ध असणार आहे.