जळगाव|खान्देश लाईव्ह न्यूज|
शहरातील हॉटेल कमल पॅराडाइजच्या जवळ एका ३० वर्षीय तरुणाची निर्घृण हत्या करण्यात आली. मयत तरुणाचे नाव आकाश पंडीत भावसार रा.अशोक नगर, जळगाव असे आहे. मयताला जिल्हा रुग्णालयात आणण्यात आले असून नातेवाईक आणि मित्रपरिवाराने गर्दी केली आहे.
मिळालेल्या माहितीनुसार, जळगाव जिल्ह्यातील खून आणि गोळीबारचे सत्र सुरूच आहे. अयोध्या नगरजवळ असलेल्या अशोक नगरात राहणारा आकाश पंडीत भावसार हा तरुण ट्रान्सपोर्टचा व्यवसाय करीत होता. शनिवारी रात्री ११ वाजेच्या सुमारास पत्नीच्या नातेवाईक असलेल्या काही तरुणांनी एका हॉटेल जवळ गाठले.
धारदार शस्त्राने तरुणांनी त्याच्यावर हल्ला केला. मांडीवर, छातीवर आणि गुप्तांगाला गंभीर जखमा झाल्याने तो रक्तबंबाळ झाला. आकाश यास जिल्हा रुग्णालयात दाखल करण्यात आले असता त्याचा मृत्यू झाला. मयतच्या पश्चात आई, पत्नी, १ मुलगा आणि १ मुलगी असा परिवार आहे.
दरम्यान, जिल्हा रुग्णालयात उपविभागीय पोलीस अधिकारी संदीप गावीत, एलसीबीचे निरीक्षक बबन आव्हाड, शनिपेठ पोलीस निरीक्षक रंगनाथ धारबळे, एमआयडीसीचे पोलीस निरीक्षक संदीप पाटील यांच्यासह पोलीस अधिकारी आणि कर्मचारी दाखल झाले आहेत. ४ संशयीत तरुणांची नावे समोर आली असून पोलीस त्यांचा शोध घेत आहेत.
